Bachelor of Dental Surgery
我好感謝神安排咗 AAC升學顧問嘅Joshua Tang 呢個咁好嘅升學顧問喺我最彷徨嘅時候幫助我。
唔經唔覺已經喺澳洲Adelaide 讀咗一年書，記得一年前我做咗一個人生好大嘅決定。當時我喺香港中文大學讀護理一年級，但係自小想做牙醫嘅我決定放棄香港嘅一切出國追尋我嘅理想。不過理想絕對唔係一朝一直可以實現嘅，雖然當時已經報咗澳洲大學嘅牙科，但係遲遲都未有消息，知道獲取錄機會唔大，所以我決定去 Adelaide讀 foundation博一博下一年入牙科。
當一切手續都辦妥，連學費都交埋，飛到當地搞入學手續嘅時候，foundation才突然告知因為我GCE嘅成績足夠入讀大學學士學位嘅任何科目(除醫科同牙科)而唔準我讀。當時我心情相當難受，因為理想好似又再次離我而去。…..喺絕望嘅一刻我再次尋求Joshua嘅協助，雖然佢身在異地，但係憑住佢優越嘅工作能力、廣闊嘅人脈網同積極嘅態度，經過一番努力，終於喺大概一星期後安排到我入讀另外一間大學嘅藥劑學，為我來年準備入讀牙醫打好堅固嘅知識基礎。
喺我讀藥劑嘅一年我除咗努力喺知識層面扎根外，我仲識咗好多來自不同國家同背景嘅朋友，包括來自馬來西亞、越南、澳洲當地等，同埋教會嘅朋友，所以眼界同生活圈子都擴闊咗。當然因為今年自己住student apartment，一切家頭細務包括煮飯洗衣執屋都靠自己，所以明顯獨立咗。最重要，呢一切人生經歷都對我再次試考牙醫有莫大幫助。或許因為我受過挫敗，喺interview 中我表現得更加成熟，加上事前我有做足對該學科嘅資料搜集同面試練習，所以最終喺2012年底獲AU牙科取錄，來年正式踏出理想嘅第一步。
除咗感謝神，我真係好多謝 Joshua 同 AAC升學顧問嘅團隊，佢地嘅工作能力，學業發展上嘅專業意見，絕對可以幫助你成就夢想，我就係個好例子。其實我同Joshua嘅關係絕對係可以用好朋友呢三個字形容。佢不但可以俾你專業嘅升學意見，仲會經常關心你，同你有講有笑。咁好嘅升學顧問邊道搵丫，我諗只有AAC升學顧問。
最後我想講，如果呢一刻你心中有理想但係唔知點實現，唔好再諗喇，踏出你重要嘅一步，讓AAC幫助你，加上自己嘅努力，必定有成功嘅一日。關鍵就係在於你宜家踏出你 comfort zone嘅呢一小步，將來望番轉頭或者係你人生嘅一大步。