Foundation
Bachelor of Media & Sociology
我當初諗過英國讀書，係因為英國位於歐洲，去歐洲旅行方便，而且英國又比較安全，所以最後就揀英國讀書。大致上，英國既天氣都唔錯，可能因為我住係比較南邊既Brighton, 所以唔會經常落雨又唔會凍太耐。英國既春夏天真係幾靚，所有花都開晒，而秋冬天都還可以。英國最靚既係佢既建築物，英國既建築物既美，好少地方可以搵得到。生活方面係英國的確唔錯，但去英國都係讀書至緊要，我覺得你只要係香港經歷過公開試，你黎到英國絕對無問題，英國讀書基本上幾輕鬆，我唔知大學點，但係係Foundation既年度都過得幾輕鬆，同係香港無得比，所以唔洗太擔心。
英國生活有兩件事要注意:1.夏天太陽九點先落山，而到冬天太陽四五點就落山，所以夏天時候唔好以為天仲好光就當時間仲早，其實已經八點幾。2. 英國水喉水熱水係唔可以就咁飲，而有時凍水都可能唔太乾淨，所以我建議煲下去或者買個過濾壺(英國既水會甩頭髮)。
英國讀書生活都幾開心自在，生活費就要自己控制一下，最平最平係可以250鎊(唔包住宿)一個月。