Master of Sciences (Investment & Finance)
首先我好感謝AAC嘅Joshua，係我好徬徨失措無助嘅時候，好幸運地比我遇到佢。其實係我認識佢之前我已經接觸過幾間嘅海外留學顧問公司，對比之下我覺得佢比嘅意見非常之中肯而且真係為我設想。佢同一般留學中介唔同，一般留學中介可能只會幫你對比下學校嘅成績排名或者等等，但係佢就會分析下你而家嘅情況到底你最需要嘅嘢，亦都會不斷向你強調讀書只係一個過程，更加重要嘅係，一定要為將來嘅路打算。係呢個情況我感受到佢係真心幫緊你，而唔係好似一部份嘅留學中介只係想隨便介紹你去一個學校。
係決定咗申請邊一間學校之後，申請過程其實都唔係非常之順利，當中學校不斷重複要求一啲嘅文件，但係佢同埋AAC嘅同事(Ludmilla)都非常之有耐性咁樣去幫我重複又重複咁處理，真係好多謝晒佢哋。而入到去大學讀書嘅時候，佢哋都經常會關心我最近嘅情況，即使而家畢咗業之後亦都會經常聯絡，或者係對你嘅職業規劃提供意見，就好似一個師兄咁樣。
咁講返留學嘅分享先啦，其實都大同小異，不過我最想提醒大家嘅一點就係，真係要合理安排時間。唔好只係將所有時間都擺喺讀書，一定要為將來嘅路打算。當然讀書係首要目的亦都係首要任務，但其實係合理嘅時間安排底下，亦都可以參加好多唔同嘅活動，一定要好好珍惜海外留學嘅經驗，因為短短幾年嘅時間真係過得好快，唔好浪費咁寶貴嘅機會。
Glasgow都算係英國嘅三四大城市之一，如果係第一次出國嘅同學仔都唔使太過擔心唔適應嘅問題，因為其實都有唔少嘅華人。不過如果係一啲好鍾意陽光又或者好怕凍嘅同學仔可能就會有啲抗拒，因為蘇格蘭嘅天氣都係比較多陰天而且比較凍。
我諗好多同學仔同我當年一樣，對於Strathclyde呢一間大學都比較陌生，但其實Strathclyde Business School 喺歐洲非常之出名，係歐洲最大嘅商學院之一，同時亦都係通過三重認證（EQUIS, AACSA, AACSB)嘅商學院。在讀嘅時候經常都會有唔少嘅group project，好自然就會認識到好多來自不同國家嘅同學，當中其實有唔少嘅同學已經係有專業資格，例如有一次好驚訝，有一位年約40歲左右嘅組員，原來佢已經係一名合資格嘅會計師，但佢仍然選擇Strathclyde深造佢對金融上嘅知識。
另外我想介紹Strathclyde既地理位置，正正就係Glasgow市中心，真係非常方便同學。而且學校現在不斷擴建設施，見到剛剛興建嘅GYM Center，真係好羨慕新嘅同學仔可以去享用。
另外讀書方面，好多同學仔都會擔心教授佢哋有蘇格蘭口音，但係呢個問題其實都唔會話非常嚴重，而且我覺得有好多教授都非常之有耐性，雖然其實每次約佢哋見面嘅時候應該要有appointment，但其實如果你walk in 去搵佢哋討論問題嘅時候，而佢哋又得閒的話，佢哋其實都會盡量去解答學生。特別係想喺呢度多謝一位professor Dick Davies。佢係一位年老金融學系嘅教授，但對於教育嘅熱誠從未減退，我經常落堂嘅時候或者係課餘嘅時間去搵佢問問題，佢都從未推搪，雖然年老，但非常之風趣幽默，上堂嘅時候經常都會出現同學仔一齊哈哈大笑。
最後，我可以喺度好負責任咁講，Joshua真係一個非常之有經驗，有責任，好好人，嘅海外留學中介顧問，如果你有呢一方面嘅疑問或者需要，Joshua係我首選嘅推介。